ოზურგეთის ბიუჯეტი გაიზარდა

ოზურგეთის 2020 წლის ბიუჯეტი შემოსავლების და გადასახდელების ნაწილში 11 693 291,74 ლარით გაიზარდა. ცვლილება საკრებულოს სხდომაზე დამტკიცდა. აქედან საბიუჯეტო სახსრების ნაშთმა 2020 წლის 1 იანვრის მდგომარეობით 5 669 824,87ლარი შეადგინა.

როგორც სხდომაზე აღინიშნა, განხორციელებული ცვლილების შედეგად უმეტესი თანხა, დაახლოებით 11 მილ ლარამდე ინფრასტრუქტურის მშენებლობას მოხმარდება.

რა ინფრასტრუქტურული პროექტები განხორციელდება დამატებით ოზურგეთში:

შრომის ადმინისტრაციულ ერთეულში საბავშვო ბაღის მშენებლობა;
სოფელ ხვარბეთში საბავშვო ბაღის მშენებლობა;
სოფელ ნატანებში წყლის ჭაბურღილის მოწყობა;
სოფელ კონჭკათში წყლის ჭაბურღილის მოწყობა;
ქ. ოზურგეთში დუმბაძის ქუჩის რეაბილიტაცია;
დაბა ურეკში შემოვლითი გზის რეაბილიტაცია;
ქ. ოზურგეთში, ანასეულის დასახლებაში კანალიზაციის სისტემის რეაბილიტაცია;
ქ. ოზურგეთში საგანგებო სიტუაციების კოორდინაციის და გადაუდებელი დახმარების ცენტრის ეზოს და მიმდებარე ტერიტორიის კეთილმოწყობა;

სოფელ შრომის (ეკალდიდი )დონაურის გავლთ ნატანების ცენტრალურ გზასთან დამაკვშირებელი გზის რეაბილიტაცია.
სკოლების სხვადასხვა სარეაბილიტაციო სამუშაოები.

ხოლო 1 მილ 74 ათასი ლარი გათვალისწინებულია სოფლის მხარადმჭერი პროგრამისთვის. ჯამში ოზურგეთის მუნიციპალიტეტის ბიუჯეტით აღნიშნულ პროგრამაზე 2 მილ 148 ათასი ლარი დაიხარჯება.

ბიუჯეტში, ასევე, აისახა 50 ათასი ლარი, რომელიც საკრებულოს ინიციატივას, კერძოდ, ახალგაზრდების მიერ წარმოდგენილი წინადადებების მხარდაჭერას ითვალისწინებს.

ბიუჯეტის ცვლილებების პროექტი ხმათა უმრავლესობით დამტკიცდა.

მსგავსი სტატიები

შრიფტის ზომა
აირჩიეთ ფერი