სოფლის მხარდაჭერის პროგრამის ფარგლებში განსახორციელებელი პროექტების შერჩევის მიზნით, ოზურგეთში მოსახლეობასთან შეხვედრები აქტიურად მიმდინარეობს.
ოზურგეთის მერის მოადგილე ნიკა ბოლქვაძე, დღეს სოფელ ძიმითისა და ნაგომარის მაცხოვრებლებს შეხვდა.
საკონსულტაციო შეხვედრებზე ადგილობრივებმა პრიორიტეტებად დაასახელეს წყლის სისტემისა და სანიაღვრე არხების მოწესრიგება; სასაფლაოს შემოღობვა; შიდა სასოფლო გზების რეაბილიტაცია; გარე განათების; სკვერისა და ატრაქციონების მოწყობა.
შეგახსენებთ, რომ „სოფლის მხარდაჭერის პროგრამის“ ფარგლებში შეხვედრა ხვალ, ჭანიეთში, ლიხაურსა და მაკვანეთში გაიმართება.