კონკურსის – „ვწერ თავისუფალ თემას“ გამარჯვებული მოსწავლეები და პედაგოგები ოზურგეთის მერიაში დაჯილდოვდნენ.
ოზურგეთის მერის მოადგილემ, ნათია გოლიაძემ და საკრებულოს განათლების, კულტურის, სპორტის, ახალგაზრდულ საქმეთა, ჯანმრთელობისა და სოციალურ საკითხთა კომისიის თავმჯდომარემ, ქეთევან ხომერიკმა – წმინდა გაბრიელ ეპისკოპოსის სახელობის სამრევლო სკოლის მოსწავლეებს: ნინი კანდელაკს, ანა ცენტერაძეს, ვასიკო ურუშაძეს, ასევე, პედაგოგებს თეა ასიეშვილს და იამზე კანდელაკს კონკურსში გამარჯვება მიულოცეს და სიგელებთან ერთად ფულადი პრიზიც გადასცეს.
კონკურსის მიზანი განსაკუთრებული ჰუმანიტარული ნიჭით დაჯილდოებული მოსწავლეების გამოვლენა გახლდათ. საქართველოს ეროვნული უნივერსიტეტის სპონსორობით გამართულ კონკურსში საქართველოს სხვადასხვა სკოლის 750-მდე მოსწავლე მონაწილეობდა.