ერთიანი სატრანსპორტო პოლიტიკა-განკარგულება დამტკიცდა.

ერთიანი სატრანსპორტო პოლიტიკის განხორციელების მიზნით, ოზურგეთის მუნიციპალიტეტში რეფორმა იწყება. ოზურგეთის მერიის მიერ წარმოდგენილ განკარგულების პროექტს ა(ა)იპ „პარკირების მართვის ცენტრი“-ს ლიკვიდაციის მიზანშეწონილობაზე მერისთვის თანხმობის მიცემის თაობაზე, საკრებულომ, დღეს, მხარი დაუჭირა.
როგორც სხდომაზე მერის პირველმა მოადგილემ გიორგი ღურჯუმელიძემ აღნიშნა, ერთ-ერთი მთავარი პრიორიტეტი ერთიანი სატრანსპორტო პოლიტიკის განხორციელებაა.
„ რეფორმა ემსახურება პარკირების სისტემის გაუმჯობესებას, მოწესრიგებული, კომფორტული და ხელმისაწვდომი პარკირების ადგილების შექმნას. დღეს ჩვენ მმართველობის ფორმას ვიხილავთ, გეგმას დ ხედვას კი დეტალურად წარუდგენთ საზოგადოებას, საკრებულოს და ერთად ვიმსჯელოთ ამ საკითხზე“.
საკითხთან დაკავშირებით თავიანთი პოზიციები დააფიქსირეს საკრებულოს სამივე ფრაქციის წარმომადგენლებმა. დადებითი დასკვნა წარმოადგინა დარგობრივმა კომისიამ.
განკარგულება საკრებულომ დაამტკიცა.
შრიფტის ზომა
აირჩიეთ ფერი