ოზურგეთის მუნიციპალიტეტის საკრებულოს თავმჯდომარემ დავით დარჩიამ, საკრებულოს წევრებთან და მერის მოადგილე ნათია გოლიაძესთან ერთად სტიქიით დაზარალებული ოჯახები მოინახულა და მათ საჭიროებებს ადგილზე გაეცნო.
ამ დროისთვის, ოზურგეთის მუნიციპალიტეტში 405 ოჯახია უსაფრთხო ადგილას გადაყვანილი- აქედან 310 ნათესავებთან, ხოლო 95 ადამიანი სასტუმროში იმყოფება.
ჰუმანიტარული დახმარება 1278 ოჯახს გაეწია. გეოლოგების მიერ 493 საცხოვრებელი სახლი შემოწმდა, საიდანაც 195 ოჯახი ექვემდებარება განსახლებას.
