ოზურგეთში მერიის განათლების, კულტურის, სპორტისა და ახალგაზრდობის სამსახურის ინიციატივითა და ორგანიზებით, საქართველოს იურისტთა უმაღლესი სკოლის წარმომადგენლებმა, სოფლად მცხოვრები ქალების ინფორმირებისთვის სემინარი გამართეს.
შეხვედრაზე დამსწრე საზოგადოებამ საჭირო ინფორმაცია მიიღო ისეთი მნიშვნელოვანი საკითხების შესახებ, როგორიცაა სოფლად მცხოვრები ქალების ცნობიერების ამაღლება, ქალთა მიმართ ძალადობა, პრევენცია და გენდერული თანასწორობა.
შეხვედრას, რომელიც ქალთა მიმართ ძალადობის წინააღმდეგ კამპანიის ფარგლებში ჩატარდა ესწრებოდნენ მერიის განათლების, კულტურის, სპორტისა და ახალგაზრდობის სამსახურის უფროსი ლალი სიჭინავა და საკრებულოს თავმჯდომარის მოადგილე ნინო ჭანიშვილი.
