ოზურგეთში სტიქიის შედეგად დაზიანებული მრავალბინიანი კორპუსების სახურავებისა და ხიდების მშენებლობა-რეაბილიტაცია განხორციელდება, მოეწყობა საკანალიზაციო სისტემები. – ამის შესახებ ავთანდილ თალაკვაძემ მერიის სხდომაზე განაცხადა.
ოზურგეთის მერის თქმით, საპროექტო დოკუმენტაციის მომზადება მიმდინარეობს საკანალიზაციო სისტემის მოწყობის სამუშაოებზე, შემდეგ ლოკაციებზე: ჟღენტის ქუჩაზე და სოფ. მერიაში მდებარე სოციალური საცხოვრისები; ქ. ოზურგეთში გრიბოედოვის ქ N25, N27, N31, თ. ხვედელიძის ქუჩაზე, აღმაშენებლის N155; თენიეშვილის N12, კოსტავას ქ N2 და N4-ში; მალაზონიას N6, ჯორჯიაშვილის ქუჩაზე მდებარე მრავალბინიანი კორპუსები.
საპროექტო დოკუმენტაცია მზადდება სტიქიის შედეგად დაზიანებული მრავალბინიანი კორპუსების სახურავების რეაბილიტაციასთან დაკავშირებით, შემდეგ ლოკაციებზე: მერაბ კოსტავას ქ N129, კიტა მეგრელაძის N8, დაბა ნარუჯასა და ნასაკირალში, მეცნიერების ქ N37 შენობაზე თუნუქის აკვრისა და გამაგრების სამუშაოები.
„ასევე, დაიწყება ხიდების მშენებლობა-რეაბილიტაციის საპროექტო სამუშაოები შემდეგ სოფლებში: გურიანთაში მდინარე სკურდუმზე დაზიანებული 2 ერთეული ხიდის რეაბილიტაცია; მშვიდობაური-მაღალი ეწერის დამაკავშირებელ გზაზე დაზიანებული ხიდის რეაბილიტაცია. საავტომობილო გზების მშენებლობა-რეაბილიტაციის საპროექტო სამუშაოები უკვე დაწყებული გვაქვს: ნატანებში ე.წ. ჯაფარაულა-ახალშენის დამაკავშირებელი გზის რეაბილიტაციისთვის; ბაილეთი-ჭანიეთური-კონჭკათის დამაკავშირებელი საავტომობილო გზის რეაბილიტაციისთვის; ნასაკირალის უღელტეხილიდან ნასაკირალის ცენტრთან დამაკავშირებელი საავტომობილო გზის რეაბილიტაციისთვის. რაც ნიშნავს, რომ მალე მზად ვიქნებით, დაფინანსების მიღებისთანავე დავიწყოთ შესყიდვა და ამ მიმართულებებზე გზების მოწყობის სამუშაოები“, – განაცხადა ოზურგეთის მერმა ავთანდილ თალაკვაძემ.
