კომისიის სხდომა

დღეს, საკრებულოს აგრარულ საკითხთა და ქონების მართვის, ბუნებრივი რესურსების საკითხების კომისიამ მომავალი წლის მთავარ საფინანსო დოკუმენტზე იმსჯელა.

მერიის მიერ წარმოდგენილი პროექტის მიხედვით მუნიციპალიტეტის 2025 წლის ბიუჯეტი 41130.0 ათას ლარს შეადგენს , რომელიც (2024 წლის პირველ დამტკიცებულ გეგმასთან (37 750.0 ათ,ლარი) შედარებით იზრდება 3380,0 ათ. ლარით), რაც პროცენტულად 8,95 %-ს შეადგენს და იგი შემდეგ პრიორიტეტებში გადანაწილდება:

ინფრასტრუქტურის განვითარება;

დასუფთავება და გარემოს დაცვა განისაზღვრა;

განათლება, კულტურა, ახალგაზრდობა და სპორტი;

ჯანმრთელობის დაცვა და სოციალური უზრუნველყოფა;

ადგილობრივი ეკონომიკური განვითარების ხელშეწყობა.

დარგობრივი კომისიის წევრების მოსაზრებები და რეკომენდაციები დასკვნაში აისახება და ის მუნიციპალიტეტის მერიას გადაეგზავნება.