ვაქცინაციის კამპანიის ფარგლებში, ოზურგეთის მუნიციპალიტეტის სოფელ ბაილეთში მოსახლეობასთან შეხვედრა გაიმართა.
შეხვედრაზე, ოზურგეთის მერის მოადგილემ, ნათია გოლიაძემ და საზოგადოებრივი ჯანდაცვის ცენტრის წარმომადგენლებმა, მოქალაქეებს საქართველოს მთავრობის მიერ ინიცირებული წამახალისებელი პროგრამები გააცნეს. მიაწოდეს ინფორმაცია ვაქცინაციის აუცილებლობაზე და აცრის ჩატარებისკენ მოუწოდეს.
შეგახსენებთ, რომ კორონავირუსის ვაქცინაციის წახალისების 200-ლარიანი პროგრამა თებერვალშიც გრძელდება. წახალისების პროგრამით სარგებლობა 50 წლის და უფროსი ასაკის მოქალაქეებს შეუძლიათ. ამავე ასაკობრივი ჯგუფის პირები, ბუსტერ-დოზით აცრის შემთხვევაში 100-ლარიან დანამატსაც მიიღებენ.
