ავთანდილ თალაკვაძე: ჩვენი ერთ-ერთი დაპირება იყო, რომ ოზურგეთის ინფრასტრუქტურული და ურბანული განახლება მოხდებოდა – პირობა სრულდება, ოზურგეთი იქნება ევროპული ქალაქი, სადაც ცხოვრება კომფორტულია. მოველით, რომ მომდევნო წლებში ბევრი ჩვენი თანამოქალაქე დაბრუნდება აქ საცხოვრებლად. ოზურგეთის სახელით, მადლობას ვუხდი საქართველოს პრემიერ მინისტრს და მთავრობას ძლიერი მხარდაჭერისთვის!
საპილოტე რეგიონების ინტეგრირებული განვითარების პროგრამის ფარგლებში მრავალბინიანი საცხოვრებელი სახლების განახლება აქტიურ ფაზაშია. დასრულდა გმირთა მოედანზე მემორიალის აღდგენაც. უახლოეს პერიოდში გამოცხადდება ტენდერში გამარჯვებული და დაიწყება ჭავჭავაძის ქუჩისა და ჭადრების პარკის რეაბილიტაცია, ასევე, თეატრის წინ ახალი, ევროპული ტიპის მოედნის მშენებლობა.
ქალაქში მიმდინარე პროექტები, რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, ოზურგეთის მერმა ავთანდილ თალაკვაძემ და სახელმწიფო რწმუნებულმა გურიის მხარეში გიორგი ურუშაძემ დაათვალიერეს.
