დაბა ურეკში აგრო-ტურისტული ფესტივალი – „ჩაის გზა“ გაიმართა, სადაც ფესტივალის მონაწილეებმა გურიის ტურისტული პოტენციალის ამსახველი კუთხეები მოინახულეს და ადგილობრივი მეწარმეების მიერ წარმოებული პროდუქტები დააგემოვნეს.
ფესტივალი, რომლის მიზანია ტურისტული პოტენციალის პოპულარიზაცია – USAID-ის ეკონომიკური უსაფრთხოების პროგრამის, ოზურგეთის მერიის, ბახვი ჰესი (Bakhvi HPP) მხარდაჭერით და ასოციაცია “ჩაის გზის” ორგანიზებით ჩატარდა.
ღონისძიებას მერის მოადგილე ნათია გოლიაძე, USAID/საქართველოს ეკონომიკური ზრდის ოფისის ხელმძღვანელი მარიკა ოლსონი, გურიის მხარეში სახელმწიფო რწმუნებულის მოადგილეები ქეთევან მოისწრაფეშვილი, ზაზა შოშიტაიშვილი, საკრებულოს განათლების, კულტურის, სპორტის, ახალგაზრდულ საქმეთა, ჯანმრთელობისა და სოციალურ საკითხთა კომისიის თავმჯდომარე ქეთევან ხომერიკი დაესწრნენ.
