ოზურგეთის მერის მოადგილეებმა გიორგი ღურჯუმელიძემ, ნიკა ბოლქვაძემ, გურიაში სახელმწიფო რწმუნებულმა გიორგი ურუშაძემ და საკრებულოს თავმჯდომარე დავით დარჩიამ, ეროვნული გმირის საფლავი ყვავილებით შეამკეს და მის ხსოვნას პატივი მიაგეს.
2004 წლის 16 აგვისტოს, მან, საკუთარი სიცოცხლის ფასად, თანამებრძოლები გადაარჩინა. კაპრალი სანგარში ჩავარდნილ ხელყუმბარას სხეულით გადაეფარა და სამი ჯარისკაცი სიკვდილისგან იხსნა.
სამშობლოს დაცვისა და ერთიანობისთვის ბრძოლაში გამოჩენილი განსაკუთებული მამაცობისთვის, 2004 წლის 24 აგვისტოს, ზაზა დამენიას საქართველოს ეროვნული გმირის წოდება მიენიჭა.
