სამოქალაქო ბიუჯეტის ფარგლებში მოსახლეობასთან შეხვედრები ჩატარდა

პროექტ „იყავი თანამმართველის“ ფარგლებში, სახელმწიფო რწმუნებული გურიის მხარეში, ზურაბ ნასარაია, ოზურგეთის მუნიციპალიტეტის მერის მოადგილე ოსიკო თოთიბაძე და მერის მრჩეველი ალექსანდრე ბერიძე, საქართველოში პოლონეთის სოლიდარობის ფონდის (Solidarity Fund PL in Georgia – ს) წარმომადგენლებს შეხვდნენ.

შეხვედრაზე თანამონაწილეობითი ბიუჯეტის შემუშავებაში, მოსახლეობის ჩართვასა და გეგმების შექმნის განხორციელებაზე ისაუბრეს.

ფონდის წარმომადგენლები: საერთაშორისო ექსპერტი, პროექტის კოორდინატორი ვოლოდიმირ აბრამიუკი და ურბანისტ-არქიტექტორი, პროფესორი ანა ბიბილაშვილი ოზურგეთის მუნიციპალიტეტის საკრებულოს სხდომათა დარბაზში, სამხარეო და ადგილობრივი ხელისუფლების წარმომადგენლებს: მერიის საჯარო მოხელეებს, საკრებულოს წევრებსა და შერჩეული პროექტების ავტორებს შეხვდნენ და სამოქალაქო ბიუჯეტის „იყავი თანამმართველი“-ს მიმდინარეობასა და პროექტით გათვალისწინებული აქტივობების შესახებ ისაუბრეს.

აღსანიშნავია, რომ შეხვედრები მოსახლეობასთან ანასეულსა და ლომთათიძის ქუჩაზე გაიმართა.

ლომთათიძის ქუჩის მაცხოვრებლებთან პროექტის „პანორამა ოზურგეთი – დაკიდული ბაღები” დეტალები განიხილეს და ადგილობრივი მოსახლებას მათი თანამონაწილეობის მნიშვნელობა გააცნეს. მოისმინეს მოსახლეობის იდეები და წინადადებები.

#გურია2020 #იყავითანამმართველი #სამოქალაქობიუჯეტი

0

მსგავსი სტატიები

გაავრცელეთ საჭირო და საინტერესო ინფორმაცია

შრიფტის ზომა
აირჩიეთ ფერი