საქართველოს ადგილობრივ თვითმმართველობათა ეროვნული ასოციაციის, ევროკავშირის პროექტის – „ეფექტიანობის და განვითარების ქსელი (N4ED)“ფარგლებში, გაეროს განვითარების პროგრამა – UNDP საქართველოსთან თანამშრომლობით, ოზურგეთის მუნიციპალიტეტში, მედია ტურის მონაწილეებისთვის ელექტრონული სერვისების პრეზენტაცია გაიმართა.
• საქართველოს ცენტრალური საიფორმაციო სააგენტოების წარმომადგენლები პროექტის ფარგლებში „კარგი მაგალითი გადამდებია“ ოზურგეთის საკრებულოს სხდომათა დარბაზში, იმ ინოვაციურ სერვისებს გაეცნენ, რომლებიც მუნიციპალიტეტმა ბოლო წლებში აამოქმედა და წარმატებულად აგრძელებს, ესენია:
მუნიციპალიტეტის ახალი ვებ-გვერდი www.ozurgeti.mun.gov.ge, რომელიც გამოირჩევა მარტივი საძიებო სისტემით, ინტეგრირებული სხვადასხვა ელექტრონული პლატფორმებით და იძლევა საშუალებას უზრუნველყოს მოქალაქეთა თანამონაწილეობა გამჭვირვალობისა და კარგი მმართველობის სტანდარტების კიდევ უფრო განმტკიცების მიზნით. ვებ-გვერდზე გაჩნდა შესაძლებლობა გამოიწერონ სიახლეები, მიიღონ სახელობითი SMS შეტყობინებები და ისარგებლონ პეტიციის ონლაინ სისტემით. პირდაპირი ტრანსლაციის გამოყენებით მოქალაქეებთან უკუკავშირის უზრუნველყოფა. მონაწილეობითი ბიუჯეტის ონლაინ პლატფორმა -„იყავი თანამმართველი,“ რომლის საშუალებითაც მოქალაქეები მონაწილეობენ ბიუჯეტის დაგეგმვაში და შეუძლიათ მუნიციპალიტეტს დააფინანსებინონ ინფრასტრუქტურული პროექტები ონლაინ ვაუჩერების გამოყენებით. სამოქალაქო ბიუჯეტის ეს ფორმა, 2020 წლის საუკეთესო პრაქტიკის კონკურსის გამარჯვებულია.• შეხვედრის საპრეზენტაციო ნაწილი სტრუმრებს ოზურგეთის მერის მრჩეველმა ალეკო ბერიძემ და საკრებულოს აპარატის ხელმძღვანელმა – ნანა თავდუმაძემ გააცნეს.
• მედია ტურის მონაწილეები გაემგზავრნენ ანასეულის დასახლებაში, სადაც პროექტ „იყავი თანამმართველის“ ფარგლებში უკვე განხორციელებული ინფრასტრუქტურული პროექტი – „მინი სტადიონი ანასეულის დასახლებაში“ დაათვალიერეს და იქვე მიიღეს მონაწილეობა ახალი პროექტის „დასასვენებელი სკვერი ყველასათვის“ პრეზენტაციაში. ასევე გაეცნენ ინფორმაციას გაეროს განვითარების პროგრამა UNDP – ის მიერ დაფინანსებული პროექტების შესახებ, როგორიცაა ქართული ჩაის ფესტივალი „ჩაის გზა,“ „საინფორმაციო ცენტრი ბორბლებზე“ და დაბა გომის მთის განაშენიანების გენერალური გეგმა, რომელიც უახლოეს მომავალში დასრულდება.
• უნდა აღინიშნოს, რომ ოზურგეთი არის ერთ-ერთი პირველი ადგილობრივი თვითმმართველობა, რომელიც 2016 წელს შეუერთდა OGP პრინციპების დანერგვას და არსებული საკომუნიკაციო საშუალებების გამოყენებით გამოცდილებისა და კარგი პრაქტიკების გაზიარებას.
