“ოზურგეთს კიდევ ერთი თანამედროვე, ახალი რეკრეაციული სივრცე ექნება, სადაც ჩვენი თანამოქალაქეები – ბავშვები და მშობლები, ახალგაზრდები და უფროსები შეძლებენ დრო სასიამოვნო გარემოში გაატარონ.
ნინოშვილის ქუჩაზე პარკის მშენებლობა უახლოეს პერიოდში დაიწყება. სამუშაოებს, საპილოტე რეგიონების ინტეგრირებული განვითარების პროგრამის ფარგლებში, საქართველოს მთავრობის დაფინანსებით განვახორციელებთ.” – აღნიშნა, ოზურგეთის მერმა ავთანდილ თალაკვაძემ.
