საქართველო მინიატურებში

შეკვეთილში, ატრაქციონების პარკ “ციცინათელას” გვერდით მდებარეობს საქართველოში ერთადერთი, უნიკალური პარკი სახელწოდებით “საქართველო მინიატურებში”.

პარკში წარმოდგენილია საქართველოს კულტურული მემკვიდრეობის ძეგლები და არქიტექტურული ღირშესანიშნაობები მინიატურების სახით.

პარკი მდებარეობს 2 ჰა ტერიტორიაზე და მინიატურების რაოდენობა 54 არქიტექტურულ ძეგლს მოიცავს, რომელსაც უახლოეს მომავალში დაემატება კიდევ რამდენიმე ძეგლი.ეს გახლავთ ულამაზესი პარკი–მუზეუმი, რომელიც დიდ შთაბეჭდილებას ტოვებს მნახველებზე.

პარკი “საქართველო მინიატურებში” ფუნქციონირებს ყოველდღე 10:00 საათიდან 00:00 საათამდე.