ოზურგეთის მერიის მხარდაჭერით შეკვეთილში, სოციალურმა სივრცემ – მუნიციპალიტეტში მცხოვრებ მეწარმეებს უმასპინძლა.
სოციალურ სივრცეში მისულ მოქალაქეებს შესაძლებლობა ჰქონდათ დაეგემოვნებინათ და შეეძინათ საოჯახო მეურნეობების მიერ წარმოდგენილი პროდუქცია – ქართული ჩაი, ჩირი, თაფლი, ჩურჩხელა და გოზინაყი.
ოზურგეთის მერიის კულტურის, სპორტისა და ახალგაზრდობის განყოფილების თანამშრომლებმა ტურისტებს ასევე მიაწოდეს ინფორმაცია, მუნიციპალიტეტში არსებული ტურისტული ადგილების, მეწარმეობისა და აგროტურისტული პროექტების შესახებ.
